فــــُـوقْ وْرَقْ اَلْـــكَــــرْمَ
نـَنْسَخْ بَـحْـــرُوفْ اَلْـكَلْــمَ
شَـذْرَ تَـغْـــزَلْـها الـنـَّسْـــمَ
تـْسَـدِّي قـْصِـــيـدَ وْ نَغْـــمَ
لَــــكْـــــلَامْ، فِيهْ أ ُ فِـيهْ...
فِيهْ اَلْمَسْتُورْ أ ُفِيهْ لَمْعَـرِّي
فِيهْ اَلْمُوزُونْ أ ُفِيهْ لَمْقَفِّـي
فِيهْ اَلْمَكْتُوبْ أ ُفِيهْ لَمْغَنِّـي
أ ُفِيهْ اَلْمَعْسُولْ وَاللِّي يَأْدِي
مَــنُّ قْـــوَالْ تَــمْـــــــدَحْ
مَــنُّ غُــنَّـايَ تْـفَــــــــرَّحْ
مَــنُّ مَــنْـذْبَ تْـقَــــــــرَّحْ
كْـلِـيـمَ تْـزَلَّـقْ اَلـجّْـمَــــلْ
أ ُكْـلِيـمَ تْـصَفِّ لَخْوَاطَــــرْ
كْـلِـيـمَ تْـفَـرَّقْ اَلـشَّـمَـــلْ
أ ُكْـلِـيـمَ تـْخَـلِّـيـكْ صَـابَــرْ
